Нова драма кај славниот брачен пар: Се разведува најпознатата старлета во светот?
Иако на социјалните мрежи се пофали со цвеќето кое сопругот и го подари по повод шест-годишницата од бракот, Ким Кардашијан и Канје Вест не се во најдобри односи.
Изгледа дека карантинот и долгото време заедно дома придонеле нивниот однос да се влоши. Како што велат нивните блиски пријатели, брачните недоразбирања интензивирале во текот на карантинскиот период.
Затоа 39-годишната ријалити ѕвезда наводно му предложила на својот сопруг некое време да поминат одвоени додека не престанат да важат вонредните мерки, пишува Дејли Мејл.
„Односот меѓу Ким и Канје во моментов е во криза бидејќи парот обично не поминува толку време на исто место, бидејќи и двајцата имаат многу обврски, а сега кога се по цел ден заедно, кавгите им се секојдневие“, вели изворот.
„Во моментот Ким и децата живеат во еден дел од куќата, додека Канје во друг дел и избегнуваат да се среќаваат. Таа станува рано и вежба, а Канје има обичај да работи цела ноќ“ додава тој.
Ким на пријателките им се пожалила дека сопругот не и помага премногу околу децата и дека целата грижа во моментот е нејзина, па така таа се пожалила дека тоа тешко го усогласува со обврските.
Но тоа не е единствениот проблем, Ким се пожалила и дека Канје се обидува да и ги наметне своите ставови и дека започнал да ја критикува неа и нејзините деловни потези, но и приватниот живот, изјавил пријателот на славниот пар кој се надева дека парот ќе ги надмине овие проблеми и бракот ќе опстане.