Членката на легендарната група „Спајс Грлс“, Мелани Чизом, попозната како Мел Си, за прв пат стапи во брак на 52 години. Нејзиното срце го освои австралискиот модел Крис Дингвал, а парот се венчаше на приватна и романтична церемонија на луксузен имот во едно англиско село, пренесува „Сан“.

Иако со години изјавуваше дека никогаш нема да се омажи, пејачката целосно го смени мислењето откако во ноември 2023 година го запозна својот сегашен сопруг и тоа преку апликација за состаноци. Првиот состанок им се случил во Сиднеј, додека траеше нејзината тогашна турнеја.

На венчавката се собраа речиси сите нејзини славни колешки. Меѓу првите гости пристигна Џери Хорнер (поранешна Халивел) во придружба на својот сопруг Кристијан Хорнер, поранешниот шеф на тимот на „Ред Бул“ во Формула 1. Покрај неа, на свадбената прослава лудо се забавуваа и Мелани Браун (Мел Би) и Ема Бантон.

Единствената која недостигаше беше Викторија Бекам. Таа и деловниот сопруг Дејвид не можеа да присуствуваат бидејќи моментално се наоѓаат во САД поради Светското првенство.

Сепак, Викторија за утеха имаше клучна улога во подготовките, токму таа ја дизајнираше раскошната бела венчаница со отворен грб во која Мел Си заблеска пред олтарот.

„Спајс грлс“ по 11 години се обединуваат: Викторија Бекам повторно ќе запее

ФОТО | Мел Би од „Спајс грлс“ се омажи за 13 години помладиот партнер: На свадбата ѝ дојде само една членка од групата