Американската музичка ѕвезда Лана Дел Реј ретко споделува моменти од својот приватен живот, но овој пат направи исклучок. Пејачката на социјалните мрежи  сподели интимни моменти од нејзиниот брак со сопругот Џереми Дуфрен, а воедно откри и големи новости за нејзината музичка кариера.

Интимни кадри од брачниот живот

На својот Инстаграм профил, Лана сподели низа лични видеа и фотограгфии со Џереми, кој инаку е познат како ловец на алигатори, а со кого стапи во брак на интимна церемонија во септември 2024 година.

За пејачката која со години негува имиџ на мистериозна дива, ваквите фотографии се вистинска реткост откако е во брак. На фотографиите нема естетика, туку чиста емоција.

 

View this post on Instagram

 

A post shared by LANA DEL REY (@honeymoon)

Најава за два нови албума

Покрај фотографиите, Лана Дел Реј напиша и емотивна порака во која откри дека подготвува два нови студиски албума, осврнувајќи се на изминатите четири години исполнети со трпение и сомнежи.

„Толку многу нешта се случија во последните четири години. Толку многу време поминато во чекање работите да се  наредат и размислување дали е во ред што некои нешта се распаѓаат. Трпението беше клучот, а помеѓу песните доаѓаа нови мисли за старите пријатели и за некои нови соништа“, напиша Лана.

Пејачката појасни дека првиот албум, насловен „Stove“, ќе биде класично издание на кое работи веќе со години, додека вториот албум настанал како еден вид музички коментар на истиот тој бурен животен период.

Од алкохолизам до кралица на меланхолијата — Лана Дел Реј полни 41 година, а мирот го најде покрај туристички водич од Лузијана