Еден од омилените холивудски парови стави точка на љубовта – Славните актери ја раскинаа веридбата по деветгодишната врска!
Овој познат американски пар стави точка на својата деветгодишна љубов…
Оливија Вајлд (36) и Џејсон Судеикис (45) по девет години врска ја раскинаа веридбата, пренесуваат светските меиуми.
Холивудскиот пар кој беше во врска девет години, стави точка на својата љубов уште на почетокот на оваа година, тврди близок извор, додавајќи дека тие останале во пријателски односи.
Почетокот на крајот на оваа романса која не беше крунисана со брак, се случил минатата година кога тие од својот дом во Бруклин се преселиле во Лос Анџелес.
– Немаше никакви драми ниту скандали, едноставно повеќе не функционираа добро како пар. Се почитуваат еден со друг и се уште постои меѓусебната поддршка, особено кога станува збор за одгледување на децата кои им се приоритет, вели извор близок на парот, и додава дека тие ги договориле сите детали за заедничкото старателство.
Оливија и Џејсон имаат две деца, шестгодишниот син Отис Александар и четиригодишната ќерка Дејзи Џозефин.
Врската ја започнаа во 2011 година, а две години подоцна тие се верија.