Познатиот американски музичар Пост Малоун ја отвори свечената церемонија на затворањето на Светското фудбалско првенство 2026 година со спектакуларен настап на стадионот „МетЛајф“ во Њу Џерси. Сепак, покрај одличниот настап, главна тема во медиумите стана неговиот стајлинг.

Маицата што го привлече вниманието

31-годишниот музичар на сцената се појави во комбинација од тексас јакна и панталони, надополнети со каубојски шешир, но хит беше неговата бела маица со натпис:

„Само се надевам дека двете екипи убаво ќе се забавуваат“.

Оваа симпатична и опуштена порака брзо стана вирална на социјалните мрежи, внесувајќи позитивна атмосфера пред почетокот на тензичното финале.

Спектакл со три песни и гостин изненадување

Пост Малоун го започна својот настап со најновиот сингл „Chrome Heartbreaker“, по што следуваше неговиот голем хит „Wow“ од 2018 година.

Врвот на шоуто пред самиот старт на финалниот натпревар беше моментот кога како изненадување на сцената му се придружи и неговиот колега. Двајцата заедно ја изведоа планетарно популарната песна „Sunflower“, која своевремено беше номинирана и за наградата Греми.

Одлука на ФИФА за спој на спортот и забавата

Дека токму Пост Малоун ќе биде главната ѕвезда на почетокот на финалето, беше објавено неколку дена пред почетокот на истото, а претседателот на ФИФА, Џани Инфантино, го објасни овој избор:

„Во моментот кога се спојуваат спортот, културата и глобалното внимание, Малоун со својот настап ќе го прослави патувањето на овој турнир и ќе ја загрее атмосферата пред целиот свет да се фокусира на двата финалисти“, изјави Инфантино.

ВИДЕО | Бронзата за Англичаните, хет-трик на Букајо Сака против Франција