ВИДЕО | Бронзата за Англичаните, хет-трик на Букајо Сака против Франција
Во натпреварот за третото место на Светското првенство исполнет со дури 10 голови во Мајами, САД, фудбалерите на Англија триумфираа конечен резултат 6:4 против Франција.
Препорачано
Англичаните имаа фантастично прво полувреме, целосно доминираа против немоќните Французи и на паузата заминаа со водство од дури 4:0.
Гол серијата ја почна Рајс во третата минута, па следува зголемување на предноста од 2:0 во 18 минута кога во листата на стрелците се запиша Конса, а Сака постигна два гола во 37 минута и во судиското надополнување (45+1`).
Французите веднаш уште од стартот на второто полувреме се „разбудија“ со првиот погодок на Мбапе во 48 минута.
Истиот играч му асистираше на Баркола во 54 минута за намалување на негативата нд Франција на 4:2.
Килијан Мбапе во 66 минута стрелаше за 4:3, тоа беше негов 22 гол со кој стана и најдобар стрелец во историјата на светските првенства.
На нов погодок чекавме до 87 минута кога Сака од пенал го комплетираше својот хет-трик на натпреварот за 5:3.
Во судиското надополнување на второто полувреме видовме уште два гола, Дембеле (90+6`) намали на 5:4, а конечниот епилог го постави Белингам (90+8`) за негов седми погодок на Мундијалот.
England are #FIFAWorldCup Bronze Final winners 🏴
— FIFA World Cup (@FIFAWorldCup) July 18, 2026
