Српската кошаркарска репрезентација се пласираше во финалето на Европското првенство за играчи до 20 години во Љубљана, Словенија, откако денеска ја победи Шпанија во полуфиналето со резултат 72:65 (25:11, 17:17, 17:21, 13:16).

Србија имаше и водство од 19 поени во првото полувреме од натпреварот, но Шпанија успеа да се врати, само за Србите да покажат карактер во завршницата и да обезбедат борба за златото.

Србија до победата ја предводеше Андреј Лучиќ со 20 поени, а Митар Бошњаковиќ постигна 17. Никола Џепина додаде 11 поени.

Најефикасен играч во шпанскиот тим беше Икер Гармендија со 16 поени, додека Макс Гаспа и Хорхе Карот постигнаа по 10.

Србија во финалето ќе игра против Словенија, која во второто полуфинале ја победи Франција во многу неизвесен натпревар со резултат 91:89.