Фудбалската репрезентација Англија одигра одлично прво полувреме во мечот за третото место во Мајами, САД, и по првите 45 минути води со огромни 4:0 против Франција.

Англија рано поведе преку Деклан Рајс кој упати одличен удар и ја затресе мрежата на Мењан за 1:0. Англија имаше уште една добра шанса во шестата минута преку Рашфорд, но беше блокирана од Французите. Првиот обид на Франција за гол беше забележан во 11 минута кога Черки шутираше, но Хендерсон одбрани.

Сака веднаш одговори од другата страна, истрча по десната страна и постигна гол, но беше досуден офсајд. Сака имаше уште една одлична шанса во 18 минута кога повторно одлично ја помина француската одбрана, но шутираше директно во голманот. Англија го постигна својот втор гол од корнер во истата минута. Конса со глава ја погоди мрежата на Франција за 2:0.

Мбапе се закани во 22 минута од далечина, но топката заврши покрај голот. Истиот играч се закани во 28 минута, но Англичаните добро се бранеа. Рашфорд убаво се ослободи од голманот во 34 минута, тоа беше добар обид, но Мењан одбрани.

Мбапе повторно се закани во 35 минута, но Хендерсон се врати на место. Англија стигна и до 3:0 во 37 минута кога Сака постигна гол. Рашфорд истрча во контранапад, Сака му се придружи и откако Мењан одбрани неколку обиди, Сакин сепак заврши во француската мрежа.

Англија го постигна својот четврти гол непосредно пред паузата. Езе испрати одлична длабока топка до Сака, кој повторно го матираше противничкиот голман.