Премиерот Христијан Мицкоски најави дека Владата ќе интервенира со намалување на акцизите за дизелот и безоловните горива, поради очекуваното зголемување на цените на нафтените деривати.

Мицкоски оцени дека нестабилната состојба на Блискиот Исток и растот на цената на нафтата на светските берзи ќе влијаат врз домашните цени на горивата.

-Немаме направено точна калкулација за зголемувањето, но сигурно ќе има промени, бидејќи цените на нафтата и бензините значително пораснаа во изминатиот период, а и курсот на доларот е посилен во однос на претходната недела- изјави премиерот.

Тој додаде дека Владата ја продолжила кризната состојба за уште три месеци, што ќе овозможи намалување на акцизите и кај дизелот и кај бензините со цел да се ублажи ударот врз граѓаните.

Новите цени на горивата се очекува да ги соопшти Регулаторната комисија за енергетика во понеделник, а тие ќе важат во следните седум дена.

„Нема да добијат ниту денар повеќе“: Мицкоски со остра порака до судиите и обвинителите