Премиерот Христијан Мицкоски најави дека истрагата за случајот со масовните стомачни тегоби во Гостивар е во завршна фаза и дека јавноста наскоро ќе добие одговор што точно се случило, како и кој ќе сноси одговорност.

При денешната посета на Општина Дебарца, Мицкоски изјави дека сите надлежни институции се на терен и дека се спроведуваат обемни проверки, вклучително и анализа на мостри од водата, додека постапка води и Јавното обвинителство.

-Многу скоро ќе излеземе со информација за тоа што се случило, кој ја дал наредбата тоа да се случи и, се разбира, ќе има одговорност- изјави премиерот.

Тој оцени дека е шокантно тоа што, според неговите зборови, некој постапувал толку неодговорно, нагласувајќи дека ваквиот случај нема да остане без последици.

-Не можам да разберам како некој може толку дрско и несовесно да се однесува. За мене ова е шокантно и неверојатно. Но, овој случај нема така да заврши – ќе има одговорност, а таа ќе се утврдува и низ судска постапка- порача Мицкоски.

Премиерот не откри дополнителни детали за текот на истрагата, но посочи дека резултатите од анализите и утврдените факти ќе бидат соопштени во најскоро време.

„Нема да добијат ниту денар повеќе“: Мицкоски со остра порака до судиите и обвинителите