Во директен судир меѓу два автобуси во близина на градот Знојмо во јужна Чешка повредени се 40 лица, од кои девет се сериозно повредени. Спасувачката служба објави дека челниот судир меѓу два регионални автобуси се случил од сè уште непознати причини, во сончево време, на сув пат меѓу Знојмо и Брно.

-На местото на настанот им пруживме помош на 30 лица со полесни повреди, девет лица се здобија со умерени и тешки повреди. Спасувачката служба го активираше таканаречениот план за траума и ги информираше болниците дека примаат голем број повредени лица- изјави портпаролката на локалната Брза помош Михаела Ботова.

Блиската Австрија веднаш понуди помош, но чешките спасувачи и службата за брза помош проценија дека 13 екипи на чешки служби опремени со хеликоптери се доволни, објави Политика.

Полицијата започна истрага и сè уште нема работна верзија за можните причини за несреќата.