Неколку лица се повредени, а материјална штета е предизвикана во нападот на иранските воздухопловни сили врз нафтен објект во Кувајт, објави денес Кувајтската нафтена корпорација.

Во соопштението на компанијата се наведува дека Иран го нападнал еден од клучните нафтени објекти во неколку повторени напади, по што на повредените им била укажана итна медицинска помош, а објектот бил евакуиран. Порано денес, иранските напади запалија електрана и постројка за десалинизација во Кувајт.

Министерството за електрична енергија, вода и обновлива енергија на Кувајт соопшти дека неколку единици за производство на електрична енергија се исклучени поради инцидентот, објави Ројтерс.

Се преземаат напори за локализирање на пожарот и извршување на поправки, се додава во соопштението, според Ал Џезира.

Нов скок на цените на нафтата