Скопјанец е уапсен откако пукал со пиштол дома, им се заканувал на сопругата и на трите ќерки и физички нападнал една од нив, соопшти Министерството за внатрешни работи.

„На 6 март 2026 година, во 00:40 часот на подрачјето на Кисела Вода, полициски службеници од СВР Скопје го лишиле од слобода 55-годишниот Б.С. од Скопје поради сомнение дека со пиштол пукал кон неговата 48-годишна сопруга, се заканувал на нивните три ќерки на возраст од 26, 24 и 18 години и физички ја нападнал 24-годишната ќерка,“ соопшти МВР.

Денес се случи убиство – сестра ми и внука ми со години трпеа терор дома, вели скопјанец по страшната трагедија во Тафталиџе

Според пријавеното, на 1 март 2026 година, по претходна расправија во домот, тој од пиштол испукал еден куршум кој завршил во прозорецот, по што отишол кај 24 и кај 18-годишната ќерка, им се заканувал и физички ја нападнал 24-годишната ќерка.

„Како што е пријавено, тој насилното однесување го повторил околу 22:30 часот на 5 март 2026 година, при што повторно со пиштол се заканувал на сопругата, но бил спречен од ќерките да не го употреби,“ се додава во соопштението на МВР.

Б.С. е задржан во полициска станица и по целосно документирање на случајот против него ќе биде поднесена соодветна пријава.

Двајца скопјани завршиле во станица откако биле пријавени дека ги тепале своите сопруги