Три жени, меѓу кои и една бремена, биле избодени со нож денеска околу 11:30 часот во близина на метро станицата Порт де Клиши во Париз, пишува „Фигаро“.

Француската полиција соопшти дека повредените жени веднаш биле згрижени од екипи на Итната медицинска помош и пренесени во болница. Една од нив се наоѓа во критична состојба.

Осомничениот, 31-годишен маж за кого се претпоставува дека има психички нарушувања, бил уапсен на местото на нападот, а кај него биле пронајдени два ножа.

На снимките што се појавија на социјалните мрежи се гледа како мажот мавта со два ножа, пред случајни минувачи да го совладаат и да го соборат на земја. На едно од видеата се гледа како напаѓачот се нафрла врз една жена додека во раката држи нож.

Министерот за внатрешни работи на Франција, Лоран Нуњез, изјави дека осомничениот давал „неповрзани и неразбирливи изјави“, предупредувајќи дека е прерано да се извлекуваат заклучоци за неговите мотиви.

„Тој човек рече: „Алах ме испрати да убивам жени“. Но, не, тој е психички болен“, изјавил извор близок до истрагата за францускиот весник „Ле Паризиен“.

И покрај тоа, француското обвинителство за борба против тероризмот не го презеде случајот, а тероризмот засега не е главната насока на истрагата.

BREAKING:

3 women stabbed in Paris.

The attacker was recorded saying that he had been ordered by Allah to carry out the mass-stabbing. pic.twitter.com/eEf6XFP4hZ

— Visegrád 24 (@visegrad24) July 27, 2026

🔴 Avenue de Clichy #Paris17 après l’attaque au couteau d’un individu rapidement interpellé qui a blessé trois femmes prises en charge dans les hôpitaux dont une femme enceinte.
Je salue le sang-froid, le courage et l’action immédiate d’un policier (hors service) et de passants. pic.twitter.com/egtvwykGEa

— Geoffroy Boulard (@geoffroyboulard) July 27, 2026

Убиство во Словенија: Босанец со нож ја избол до смрт својата партнерка и побегнал