Шпанскиот премиер Педро Санчез сподели видео на социјалните мрежи во кое му се заблагодари на едно палестинско девојче и на локалните уметници откако тие насликаа мурал со неговиот лик во Газа, објави „Ал Џазира“.

Во видеото, Санчез одговори на пораката од палестинско девојче, по име Лајан, кое откри портрет на шпанскиот премиер што таа и други уметници го насликале меѓу урнатините во Газа. Санчез им се заблагодари за убавиот гест.

“We hear you, we see you, we love you, and we haven’t forgotten you.”

Spanish PM Pedro Sanchez has thanked Layan Al Quqa, a young Palestinian artist in Gaza, for painting a mural celebrating the friendship between Spain and Palestine. pic.twitter.com/f0NcGNUOBm

— Al Jazeera English (@AJEnglish) July 27, 2026

Како што рече, изрази посебна благодарност до палестинскиот народ за тоа што покажал таква наклонетост кон Шпанија.

„Во средината на толку многу болка, најдовте момент да ни ја испратите вашата љубезност. Затоа, Лајан, на сите момчиња и девојчиња од Газа и на вашите семејства, сакам да ви кажам нешто многу едноставно: целото шпанско општество ве слуша, ве гледа, се грижи за вас и не ве заборава“, рече Санчез.

Тој, исто така, изрази надеж дека „децата од Газа ќе можат без страв да се вратат на сликањето во своите училишта и да ја живеат иднината во мир“.