Полицајци вооружени со палки синоќа испукувале гумени куршуми врз учесниците на протестите против масовниот туризам во шпанскиот остров Мајорка, откако избувнале судири меѓу демонстрантите и полицијата. Во инцидентите биле повредени најмалу седум лица, пренесе Сан.

Според проценките, на протестот во Палма учествувале околу 25.000 демонстранти. До судирите дошло кога полицијата поставила барикади за да ја пренасочи планираната рута на протестната поворка, но дел од учесниците ги прескокнувале бариерите.

Откако полицајците со палки удриле неколку демонстранти, дел од учесниците почнале да фрлаат шишиња кон припадниците на полицијата, по што полицијата возвратила со гумени куршуми.

La manifestación contra la masificación turística en Mallorca ha culminado con momentos de tensión. La Policía ha arremetido contra manifestantes con la porra. Hay al menos un herido https://t.co/BJMZuegRG3 pic.twitter.com/UHNxePEszl

— elDiario.es (@eldiarioes) July 26, 2026

Демонстрантите извикувале дека Палма де Мајорка „ги достигнала своите граници“ и се заканиле дека ќе го блокираат туристичкиот град.

Дел од нив носеле транспаренти со натписи: „Спасете ја Мајорка“, „Туристи, одете си дома“, „Туризам = уништување“ и „Помалку туризам, повеќе живот“.

Учесниците на протестот побарале ставање крај на масовниот туризам на островот, тврдејќи дека големиот број туристи го намалува квалитетот на живот на локалното население.

Ова е трето лето по ред како во Палма де Мајорка се организираат масовни протести против туризмот. На претходните демонстрации, туристите беа прскани со водени пиштоли.

Во извештај за туризмот објавен лани, Мајорка беше најпосетуваната дестинација со регистрирани над 51 милион ноќевања, по што следуваа Париз со речиси 44 милиони и Рим со 41 милион.

Мајорка најпосетувана со 51 милион ноќевања