По скандалот во Гостивар, откако јавноста дозна  дека граѓаните 20 дена пиеле вода од чешма загадена со фекалии 48 пати над дозволените граници, ги прашавме случајните минувачи од каде пијат вода.

Генерално луѓето што ги анкетиравме велат дека последните години купуваат вода од маркет.

– Не се чувствувам сигурно дека водата од чешма е безбедна, посебно сега ова со Гостивар дополнително ми влева страв. Кај нас дома се консумира флаширана вода, а од Водовод ја користам само за полнење на базенот – вели една скопјанка.

Девојка од Тетово пред нашата камера рече дека речиси и да не се напила вода од чешма, никогаш.

– Јас секогаш купувам вода, страв ми е да пијам од чешма. Бидејќи сум од Тетово, сега пак, по ова што им се случи на гостиварчани, уште повеќе ме фаќа паника. Никако не би се напила од чешма – вели таа.

Поголемиот број од граѓаните не би им дале вода од чешма на деца, а кога одат надвор од земјава секогаш купуваат.
Погледнете ја анкетата на јутјуб-каналот на „Слободен печат“.