Силното невреме со оркански ветер, кое попладнево го погоди Скопје, го урна и јарбол висок 60 метри, поставен кај трговскиот центар „Ист гејт“ и хотелот „Континентал“.

Порталот „Прес24“ објави снимка од местото, по бруталното невреме кое собори стотици дрвја, корнеше покриви и предизвика голема штета низ целиот град. Јарболот, како што може да се види, е прекршен и паднат во тревата во средината на кружниот тек.

Од невремето протече и покривот на Скопскиот аеродром, каде патниците мораа да поминуваат низ големи езера кои се создадоа во холот.

Градоначалникот Орце Ѓорѓиевски преку социјалните мрежи соопшти дека е мобилизиран кризниот штаб, како и дека службите на Градот ќе работат цела ноќ.

ФОТО+ВИДЕО | Бесно невреме удри врз Скопје — орканскиот ветер корнеше покриви, кутна стотици дрвја