Осум луѓе се во болница по силното невреме кое остави пустош во Скопје
Осуммина повредени луѓе се згрижени во скопските болници откако биле повредени во страотното невреме кое попладнево го погоди главниот град, објави порталот „Прес24“.
Препорачано
Според првичните информации, четворица се згрижени во Ургентниот центар, а другите во Градската општа болница „Св. Наум Охридски“, каде им е укажана неопходната медицинска помош.
Меѓу повредените е и 86-годишна жена од населбата Чаир, врз која паднало дрво. Таа со тешки повреди на главата е пренесена на Ургентниот центар. Еден повреден човек со расеченица на челото самостојно побарал лекарска помош во болницата „8 Септември“.
Надлежните институции најавуваат повеќе информации за состојбата на повредените во текот на вечерта.
Невремето со силен, оркански ветер, остави пустош во сите скопски населби – собори стотици дрвја и корнеше покриви. Настрада и огромниот јарбол на кружниот тек кај трговскиот центар „Ист гејт“, а на Скопскиот аеродром прокисна покривот и патниците мораа да газат низ езера во холот.
