Русија подготвува прифаќање на нови 30.000 војници од Северна Кореја кои треба да се вклучат во воените дејствија во Украина. Ова го соопшти украинскиот претседател Володимир Зеленски, додавајќи дека пристигнувањето се подготвува во руската област Воронеж уште од јуни, пренесува „Ројтерс“.

Според Зеленски, Пјонгјанг се спрема да ѝ испорача на Москва и нови лансери за балистички ракети, што тој го оцени како закана и за азиските земји.

Украинскиот претседател Володимир Зеленски во ноќното видеообраќање информираше за продлабочување на воената соработка меѓу Москва и Пјонгјанг. Тој изјави дека Русија планира да доведе уште 30.000 севернокорејски војници на фронтот. Според неговите информации, подготовките за нивно прифаќање се одвиваат во руската област Воронеж уште од месец јуни.

Ова доаѓа по веќе реализираното испраќање на околу 14.000 севернокорејски војници претходно во 2024 година, кои беа распоредени во рускиот регион Курск за да помогнат во одбраната од украинските напади, а врз основа на пактот за меѓусебна одбрана меѓу двете земји.

Покрај човечки ресурси, Зеленски нагласи дека Северна Кореја подготвува и испорака на нови лансери за балистички ракети за руската армија. Тој предупреди дека оваа соработка носи придобивки и за Пјонгјанг.

Зеленски истакна дека Русија ѝ помага на Северна Кореја да научи како да води војна, да го унапреди своето оружје и да стекне реално борбено искуство. Оваа ситуација, според неговите зборови, претставува закана за сите земји во Азија кои се наоѓаат во дометот на севернокорејските ракети, најавувајќи дека Украина ќе одговори на оваа закана.

Зеленски го номинираше извршниот директор на „Нафтогас“ за иден премиер на Украина