Снимка, која наводно е направена вчера и на која се гледа како двајца разбојници ограбуваат две жени на улицата „Бирчанинова“ во Белград, е објавена на социјалните мрежи. Според минувачите и сведоците на инцидентот, жртвите се мајка и ќерка, а напаѓачите – мигранти. Ова досега не е официјално потврдено, а српската полиција официјално не се огласува за случајот.

Корисниците на социјалните мрежи коментираат дека ова не е единствен таков инцидент забележан во последните недели, како и дека тој се случил во центарот на градот, каде што се седиштата на неколку српски државни институции.