Цариниците во Грција утре ќе одржат штрајк, а границите ќе бидат затворени вкупно четири часа, јавија локалните медиуми.

Од 5 до 9 часот наутро по македонско време (6 до 10 часот по грчко), сите гранични премини ќе бидат затворени — автомобилите ќе се пропуштаат на секои десет минути, а за камионите границите ќе бидат целосно затворени, најави синдикатот.

Така ќе биде и на трите гранични премини кон Македонија, „Евзони“ („Богородица“), „Дојрани“ („Дојран“) и „Ники“ („Меџитлија“).

Со оглед на тоа дека сме во шпицот на туристичката сезона, штрајкот дополнително ќе ги зголеми гужвите на граничните премини, па надлежните повикуваат за патување да се избегне времето во кое ќе се одвива штрајкот.

ВИДЕО | Силно невреме на Халкидики – туристите гледаа торнадо како им се приближува