Грчките цариници денеска штрајкуваат, поради што се очекуваат гужви на граничните премини од грчката страна – „Евзони“ (Богородица), „Дојрани“ (Дојран) и „Ники“ (Меџитлија). На преминот „Евзони“ утрово сè е во застој, а рампите се спуштени, пренесува Б92.

Патниците кои денеска патуваат кон Грција или се враќаат од Грција треба да сметаат на забавен сообраќај и подолги задржувања на одредени гранични премини.

На трите премини патничките возила ќе се пропуштаат еднаш на секои 10 минути во периодот од 6 до 10 часот по грчко време, додека товарниот сообраќај е целосно запрен.

Поради ваквиот режим се очекуваат подолги задржувања и формирање колони, особено на преминот „Евзони“, кој во летната сезона е најфреквентен за туристите што патуваат кон грчките летувалишта.

Туристичките организации им препорачуваат на возачите пред поаѓање да ја проверат состојбата на граничните премини, да планираат дополнително време за патување и да бидат подготвени за можни чекања.

Иако се очекува по завршувањето на штрајкот сообраќајот постепено да се нормализира, зголемениот број возила би можел да предизвика задржувања и во текот на остатокот од денот.

Вчера пак, на преминот „Богородица“ (Евзони) немаше многу чекање, односно тоа беше околу 30 минути.

Нема многу чекање на „Богородица“ претпладнево