Десет лица загинаа, а 23 беа повредени во ненадејна поплава што погоди туристичко место во северозападна Кина. Според кинеските државни медиуми, несреќата била предизвикана од обилни дождови, пренесува „Еуроњуз“.

Државната телевизија CCTV објави дека несреќата се случила во покраината Гансу.

„Планински порој предизвикан од краткотрајни обилни дождови на место за пикник во округот Вејуан, во градот Дингси, зароби некои туристи“, објави CCTV.

Heavy rainfall caused a flash flood at a tourist campsite in Weiyuan County, northwest China’s Gansu Province, on Sunday afternoon, resulting in ten deaths and 23 injuries. Local police and fire departments are leading rescue operations, supported by 305 personnel and 68 vehicles… pic.twitter.com/0JeLsF8nYP

— China Takeaway (@China24Official) July 26, 2026

Поплавата се случила во туристичката област Шуангшимен, која се наоѓа во планинската област на јужен Гансу, околу 1.200 километри југозападно од Пекинг. Областа е позната по своите природни камени лакови, планински ливади и потоци, а во лето привлекува многу кампери.

Според локалните власти, повредените биле однесени во болница, а спасувачките екипи евакуирале уште 174 лица од погодената област, според CCTV.

Во меѓувреме, големи делови од јужна Кина беа во состојба на зголемена готовност за поплави во неделата откако тајфунот Ноул се упати кон копното. Засилениот надзор денеска наутро продолжи во многу региони.

Иако покраината Гансу е далеку од патот на тајфунот, и таму во неделата беа регистрирани обилни врнежи од дожд. Локалните власти издадоа предупредувања за лоши временски услови и ги повикаа жителите да останат во затворен простор и да ги следат безбедносните упатства.