Петмина планинари од Босна и Херцеговина загинаа на највисокиот планински врв во Европа и Русија Елбрус. Меѓу загинатите се босанските државјани Алма и Денис Окановиќ.

-Најдраги мои, заминавте како што се запознавте, на планинските врвови, пишуваат блиските на социјалните мрежи простувајќи се од загинатите во оваа голема трагедија.

 

View this post on Instagram

 

A post shared by 𝐄𝐋𝐁𝐑𝐔𝐒 5642м.🇷🇺 (@07_elbrus)

Експедицијата во која била брачната двојка, имала 7 члена, и не ангажирала водич, а помош побарале при спуштањето од планината. Двајца членови на експедицијата преживеаа, а руските истражни органи покренаа истрага за околностите на трагедијата.

Рускиот истражен комитет, како надлежен орган, ѝ достави на Амбасадата на Босна и Херцеговина во Москва официјални информации во врска со несреќата на врвот Елбрус, во која настрада група планинари од Босна и Херцеговина. Според амбасадорот Иван Орлиќ, потврдено е дека седум државјани на Босна и Херцеговина учествувале во искачувањето на врвот на Елбрус.

Еден од членовите на тимот Кемал Видимлиќ се вратил во една од станиците и пријавил дека двајца членови на експедицијата не се чувствуваат добро. Станува збор за Нермин Талам (роден 1982 година) и Алмир Кривдиќ (роден 1963 година), кои починаа. Видимлиќ и Харис Адиловиќ се во болница и добиваат медицинска помош, додека Алма Окановиќ, Денис Окановиќ и Мелиха Чаушевиќ во моментов се водат како исчезнати и во тек е интензивна потрага по нив.

Операцијата на планината Елбрус е во тек и во неа учествуваат 16 спасувачи, но нивните напори се отежнати поради исклучително тешките временски услови. Премиерот на Федерацијата Босна и Херцеговина Нермин Никшиќ најави дека ќе биде прогласена тридневна жалост.