Гостивар утре ќе добие технички исправна вода за користење, најави премиерот Христијан Мицкоски, посочувајќи дека уште трае процесот на нејзино хиперхлорирање од страна на експерти од скопскиот Водовод.

Одговарајќи на новинарско прашање по увидот во градежните активности за изградба на клучката Момин Поток, Мицкоски рече дека резултатите од досегашните анализи се добри и дека состојбата е санирана во краток рок.

– Екипи од Скопје од Водовод се во Гостивар, работат на хиперхлорирање на инсталациите, резултатите се веќе добри, очекувам утре да излезе соопштение дека водата е технички исправна за користење, во рекорден рок од една недела тоа се санираше,  изјави Мицкоски.

Во Гостивар водата и понатаму ќе остане забранета за пиење, дури и откако ќе стане исправна за техничко користење.