Македонскиот тенисер Обрад Марковски го освои трофејот на меѓународниот турнир М15 што се одржа во Куршумлијска Бања, Србија.

Марковски заедно со Марко Милосављевиќ од Австрија се закитија со титулата на турнирот во двојки.

Во осминафиналето Марковски и Милосављевиќ во осминафиналето триумфираа со 2:0 во сетови 6:3 и 6:1 против Италијанците Леонардо Катанео и Матијас Писану.

Потоа, во четвртфиналето остварија победа против уште една италијанска двојка, третите носители на турнирот, Себастијано Кокола и Лоренцо Комино (7:5, 6:2).

Во полуфиналето ги совладаа Холанѓаните Јулиус Булт и Елгин Хоеблал со 6:3 и 6:4.

И во финалниот меч за титулата, Марковски и Милосављевиќ со 7:5 и 6:2 славеа против Никита Белозерцев од Узбекистан и Иван Грецки, кои беа втори носител на турнирот.