Првото коло од новата сезона во македонската Прва лига продолжува денеска со уште два натпревари, но еден од нив нема да започне во предвидениот термин.

Фудбалскиот клуб Струга преку своите официјални канали соопшти дека дуелот против Шкендија Арачиново ќе стартува со задоцнување од најмалку 30 минути. Наместо во 17:00 часот, почетниот свиреж се очекува околу 17:30 часот.

За Шкендија Арачиново ова ќе биде историски настап, бидејќи тимот за првпат ќе игра натпревар во најсилното македонско фудбалско првенство.

Во истиот термин, според распоредот, ќе се одигра и пресметката на Националната арена „Тодор Проески“, каде што Вардар ја пречекува Брегалница. За овој натпревар засега нема никакви промени и почетокот останува закажан за 17:00 часот.