Ша-Кари Ричардсон и Ноа Лајлс триумфираа во трките на 100 метри на Атлетското првенство на САД, кое во вчера вечер се одржа на стадионот „Икан“ во Њујорк.

Ричардсон, 26-годишната американска спринтерка, немаше најдобар старт, но брзо го надомести заостанувањето и славеше со време од 10,77 секунди. Таа ја освои својата трета национална титула на 100 метри, оставајќи ја зад себе тренинг-партнерката Кајла Вајт за 0,13 секунди.

CONSISTENT GREATNESS. 💪
Sha’Carri Richardson is a THREE-TIME national champion in the women’s outdoor 100m! pic.twitter.com/g4lXIBWFkO

— On Her Turf (@OnHerTurf) July 25, 2026

Во машка конкуренција, актуелниот олимписки шампион Ноа Лајлс исто така немаше идеален старт, но со силен финиш ја презеде контролата и го израмни својот личен рекорд од 9,79 секунди.

Второто место му припадна на 32-годишниот Рони Бејкер, трет беше Кени Беднарек, додека Кристијан Колман, партнерот на Ша-Кари Ричардсон, ја заврши трката на четвртата позиција. За Лајлс ова е трета титула национален шампион на САД на 100 метри.

Noah Lyles reclaims a NATIONAL TITLE in the men’s outdoor 100m at 9.79. 🔥 pic.twitter.com/LAbJYDGLDb

— NBC Olympics & Paralympics (@NBCOlympics) July 25, 2026