Земјите-членки на Меѓународниот кривичен суд (МКС) гласаа за отстранување на главниот обвинител Карим Кан, откако официјалниот надзорен орган на судот утврди дека тој извршил сериозно недолично однесување во врска со обвинувањата за сексуална злоупотреба, објави „Гардијан“.

Ова е невиден преседан во историјата на Меѓународниот кривичен суд, со што се завршува една исклучително штетна епизода за оваа меѓународна судска институција, точно две години откако сериозните обвинувања првпат станаа јавни.

Меѓународниот кривичен суд го суспендира главниот обвинител поради обвинувањата за сексуално вознемирување

Според извори на „Гардијан“, 82 од 125-те земји-членки на судот гласале за отстранување на Кан на посебен, вонреден состанок одржан во седиштето на Обединетите нации во Њујорк.

Оваа одлука следела по долга и детална дисциплинска постапка. Како дел од истрагата, темелно биле испитани обвинувањата поднесени против Кан од страна на негова вработена во Меѓународниот кривичен суд.

Кан жестоко ги негираше сите обвинувања од самиот почеток, кои вклучуваат тврдења дека се занимавал со принудно сексуално однесување во текот на подолг временски период. Неговиот тим адвокати ја оцени дисциплинската постапка како „процедурално неправедна“.

Израел: Налогот за апсење на Нетанјаху- црн ден за правдата

Овој истакнат британски адвокат беше избран на функцијата главен обвинител во 2021 година, а според првичниот план, тој требаше да отслужи деветгодишен мандат.

Како раководител на одделот за обвинителство на Меѓународниот кривичен суд, Кан беше директно одговорен за водење на некои од најчувствителните глобални истраги и обвинение против лица осомничени за најтешките воени злосторства и злосторства против човештвото низ целиот свет.

Кан, кој е главен обвинител од 2021 година, издаде налози за апсење на повеќе личности, меѓу кои и израелскиот премиер Бенјамин Нетанјаху и рускиот претседател Владимир Путин.

САД го засилија притисокот врз судот, особено по налогот за Нетанјаху, воведувајќи санкции против вработени и судии.

САД, Русија и Израел не се членки на МКС.

Главниот обвинител на МКС Кан: Морав да побарам налог за апсење на Нетанјаху, се соочувам со закани