Со одлука што ја изгласала на седница уште пред десет дена, на 14 јули, Владата позајмила седум милиони евра од Македонска навигација (М-НАВ), објави „СДК.мк“.

Тројцата директори на државната компанија за контрола на летови, Владимир Ристески (претседател нa УО на М-НАВ), Милан Кораќ и Фатмир Зимбери, минатиот петок, на 17 јули, ја потпишале одлуката за одобрување на краткорочна позајмица. Таа треба да се врати до 30.11.2026 година, а парите се позајмуваат без камата.

Ова е невообичаена практика, со оглед на тоа дека парите со кои располага М-Нав се строго наменски, а за секој трошок и за секоја инвестиција мора да се извести Европската организација за безбедност на воздушната навигација – Еуроконтрол, која ѝ ги распределува средствата на македонската контрола на летање.

Директорот Ристески не одговорил на телефонскиот повик на „СДК“ за коментар околу заемот. Порталот пишува и дека само еден ден откако Владата ја донела одлуката за позајмицата, Јавното претпријатие за државни патишта испратило до М-НАВ барање за одобрување краткорочна позајмица, зашто парите всушност му требалe на ова државно претпријатие.

Јовановиќ: Власта сака да ги укине приватните пензиски фондови и да ги преземе нивните средства за решавање буџетски проблеми