Македонка, која со својот сопруг живее во Белгија, се обидела преку граничниот премин „Табановце“ да внесе златен накит вреден околу 21.100 евра, скриен во нејзината чанта.

Цариниците го откриле обидот за криумчарење при проверка на автомобилот на двајцата сопружници, соопшти денеска Царинската управа.

За време на контролата, службениците пронашле 26 парчиња златен накит, со тежина од 348 грама во нејзината чанта.

„Против неа, Одделението за истраги при Секторот за контрола и истраги поднесе кривична пријава за сторено кривично дело ‘криумчарење’, казниво согласно Кривичниот законик“, се додава во соопштението.

Од Царинската управа информираат дека годинава се откриени 13 случаи на криумчарење злато, при што биле запленети повеќе од 2,5 килограми златен накит и златни монети.

Ветил дека ќе му го врати запленетиот златен накит, па го измамил за 28.700 евра