Силна песочна бура вчера попладнето го погоди Истанбул, небото се затемни, ветерот корнеше дрвја и крена покриви, а возачите имаа проблеми поради намалена видливост поради облаци прашина, пренесоа турските медиуми.

Поради силни ветрови и неповолните временски услови, некои авиони кои се обидуваа да слетаат на аеродромите „Истанбул“ и „Сабиха Гокчен“ беа принудени да кружат во воздух.

İstanbul’da aniden etkili olan toz fırtınasının yaşandığı işte o anlar: https://t.co/BpGxgYknni pic.twitter.com/r1TRoyBZuU

— İstanbul Büyükşehir Haber (@ibbhaberr) July 22, 2026

Деца кои си играа на улица и минувач речиси беа згмечени од покрив кој се откорна под налетите на ветер во истанбулскиот кварт Есенлер, а настанот беше снимен од безбедносна камера.

Силен јужен ветер крена високи бранови во близина на Ускудар, што им го отежна движењето на граѓаните по крајбрежјето.

Bugün İstanbul. Bu mevsimde herhalde ilk defa oluyor. #istanbul #fırtına #sel pic.twitter.com/0cNitLhBJg

— Murat Sagman (@muratsagman) July 22, 2026

Во центарот на Истанбул, Фатих, во квартот Лалели, дрво падна на патот и предизвика краткотрајни прекини во сообраќајот.

Силниот ветер, понекогаш придружен со слаб дожд, следеше по топлотниот бран за време на кој температурата во Истанбул беше измерена над 35 степени.

Метеорологот Адил Тек за „Сабах“ изјави дека нов систем на дождови пристигнува во Турција од Бугарија и Романија, кој во текот на вечерта прво ги погоди Једрене и Киркларели, а потоа, дождот ќе ја покрие цела Тракија, особено европската страна и северните делови на Истанбул.

„Врнежи се очекуваат и во петок и сабота. Температурата значително ќе се намали, особено за време на викендот. Во некои области, дневната температура ќе биде од 24 до 25 степени Целзиусови, додека ноќната температура ќе се спушти на 22 степени Целзиусови“, објави Тек.

ВИДЕО | Обилни дождови направија хаос по улиците на Варна