Анџелина Џоли изјавила дека сака „сите да се залечат“, додека четири од нејзините шест деца преземаат правни чекори за официјално да го отстранат презимето Пит од своите имиња.

Според судските документи до кои дошол магазинот „Пипл“, Медокс (24), Захара (21), Шајло (20) и Вивијен (18) поднеле барања за промена на презимето. Како причина во сите документи е наведено само дека станува збор за „лични причини“.

Извор близок до Џоли изјавил дека актерката не е лута и не сака конфликти.

„Кога луѓето би ја знаеле целата вистина, би имале повеќе разбирање за децата и би ги почитувале нивните одлуки. Тоа што тие не зборуваат јавно и не изнесуваат детали само ја покажува нивната достоинственост“, рекол изворот.

Тој додал дека „Анџелина не се бори и не е гневна. Таа само сака сите да се залечат.“

Шајло уште во 2024 година доби судско одобрение да го отстрани презимето Пит и сега официјално се презива Шајло Џоли. Во меѓувреме, Медокс побарал да се преименува во Медокс Чиван Џоли, Захара во Захара Марли Џоли, а Вивијен сака нејзиното име да биде Вивијен Маршелин Џоли.

Судските постапки за Медокс, Захара и Вивијен сè уште се во тек. Рочиштето за Медокс е закажано за 14 септември, за Захара на 28 септември, а за Вивијен на 2 ноември.

Од друга страна, извор близок до Бред Пит претходно за „Пипл“ изјави дека е „тажно да се гледа како некој повторно јавно го истакнува успешното оттурнување на децата од другиот родител“.

Ниту Анџелина Џоли, ниту Бред Пит досега јавно не ги коментирале барањата на своите деца за промена на презимето. Последен пат Пит зборуваше за семејството во јуни 2025 година, кога истакна дека со годините сфатил колку е важно човек да биде опкружен со луѓето што ги сака и кои му возвраќаат со љубов.

Бред Пит ги поминува празниците со девојката: „Децата се оддалечија од него и го променија презимето“