Македонската и културна и музичка сцена остана без еден од своите најценети изведувачи на народната песна. На 86-годишна возраст во Охрид почина Наум Бурназ, пејач кој со децении беше вистински чувар на македонскиот фолклор и традиција.

​Бурназ зад себе остави богата кариера исполнета со голем број антологиски интерпретации кои остануваат трајно запишани во националната музичка ризница. Неговиот специфичен вокал и автентичниот пристап кон изворниот мелос ги освоија симпатиите на бројни генерации, правејќи го еден од најпрепознатливите гласови на нашата естрада.​

Во текот на целиот свој живот тој неуморно работеше на афирмација и зачувување на македонскиот фолклорен идентитет, достоинствено претставувајќи ја нашата музика како во земјава, така и пред македонската дијаспора ширум светот.

<
​Бројни колеги, естрадни уметници и почитувачи со длабока тага се простуваат од охридскиот музички доајен, истакнувајќи дека македонската сцена загуби исклучителен уметник, чиј лик и песна засекогаш ќе останат дел од културната меморија на Македонија.