Речиси 100 пријави стигнале до попладнево до општина Варна во Бугарија, каде поројни дождови направија хаос по јавните простори и улиците низ градот, пренесува „24 часа“.

Според градската администрација, најголемиот дел од пријавите се однесуваат на поплавени улици, подруми и деловни простории, како и на нефункционални семафори и шахти. Пријавени се и паднати дрвја на улицата „Атанас Калчев“ во населбата Аспарухово.

На видеото на „24 часа“ се гледа како луѓе се обидуваат да се пробијат по улиците, да ги спасат своите возила, а некои се борат и со силниот ветар.

Од Општина Варна појаснуваат дека сите пријави се проследуваат до надлежните општински дирекции и останатите одговорни институции за да ги преземат потребните мерки.

Невремето предизвикало проблеми и во самата зграда на Општина Варна. Поплавени се просториите на секторот „Граѓанска помош“, каде се работело на санирање на последиците.

Photo of the leading edge of this destructive storm. Thankfully i was barely clipped by it, but the worst hit areas experienced winds over 70mph based on the damage https://t.co/iAppbqsOhm pic.twitter.com/Peo4svzZQO

— Hris (Chris) (@Christo_WX) July 22, 2026

Во Бургас исто така наврнала голема количина дожд, кој бил проследен со силен ветер. Во Приморско невремето урнало и два балкона од згради.

Бурата ги зафатила и Китен и Лозенец, од каде што исто така пристигнуваат пријави за поплавени улици и паднати дрвја.

Страшно невреме и во Албанија: електричар загина додека санирал дефект, морето однесе рибар