Силно невреме во Албанија однесе два човечки живота, а најмалку три лица се повредени во крајбрежните и планинските региони на земјата. Во сообраќаен хаос и прекини на струјата, силните ветришта предизвикаа сериозна материјална штета во повеќе градови, каде откорнати дрвја кршеа возила и инфраструктура, пренесуваат Информат.

Електричар вработен во државната електроенергетска компанија загина за време на ноќна интервенција во три часот по полноќ во Химара. Несреќата се случила кога му се скинал безбедносниот појас додека работел на столб за да го санира дефектот.

Втората жртва е рибар од Ксамил, чиј чамец се превртил поради силните бранови и ветерот на отворено море, а неговото тело било пронајдено следното утро.

Општината Саранда исто така претрпе значајни штети од силните ветришта. Паднатите дрвја оштетија неколку паркирани возила на градските улици, а три лица завршија со медицинска помош. Повредените се згрижени со рани од скршени стакла и гранки.

Освен на крајбрежјето, последици од невремето се регистрирани и во внатрешноста на земјата. Во регионот на Либражд, повеќе населени места и подрачја сè уште се соочуваат со прекини во снабдувањето со електрична енергија, каде екипите работат на отстранување на дефектите.

ФОТО | Стравотно невреме во Босна и Херцеговина: гром усмрти десетици овци, паѓал град со големина на тупаница