Генералниот секретар на Обединетите нации (ОН), Антонио Гутереш, следната недела ќе го посети Кипар во обид да даде нов поттик на долгогодишните мировни преговори меѓу грчката и турската заедница на поделениот остров.

Во пресрет на најавената посета, претставничката на генералниот секретар на ОН за кипарското прашање, Марија Анхела Олгин, денес ќе престојува во Брисел на состаноци во рамките на подготовките на ЕУ за можно обединување на островот, објави „Екатимерини“.

За време на кратката посета, Олгин треба да се сретне со новиот претставник на ЕУ за Кипар, извршниот потпретседател на Европската комисија Рафаеле Фито, како и со советници на претседателите на Европската комисија и на Европскиот совет.

Турските Кипрани избраа нов лидер – се отвора нова шанса за наоѓање „златна средина“ со грчкиот дел на Кипар

Состанокот треба да помогне ЕУ да ги усогласи своите ставови доколку преговорите повторно започнат.

Европски дипломатски извори навеле дека неодамнешните контакти со Турција се зголемиле, а прашањето за Кипар сè повеќе се поврзува со пошироките односи меѓу ЕУ и Турција.

Функционери во Брисел сметаат дека се отвора нова можност за напредок, под влијание на актуелните геополитички услови и иницијативите на клучните страни.

ЕУ сега го очекува исходот од посетата на Гутереш пред да започне подготовки за евентуално обновување на преговорите за Кипар.

Ердоган предложи решение за Кипар: „Еден народ, две држави“