Гром вчера усмрти цело стадо овци близу градот Купрес во Босна и Херцеговина за време на силната бура што ја зафати земјата, објави „Дневни аваз“.

На социјалните мрежи беа објавени фотографии од угинатите животни, а засега нема информации за повредени луѓе.

Од локалната метеоролошка служба наведуваат дека станува збор за една од најтешките последици од денешното невреме.

Невремето во бројни делови од земјата резултирало со одрони, паднати дрвја и со отежнет сообраќај, а во некои подрачја била предизвикана и значителна материјална штета.

Според медиумските извештаи, во подрачјето на градовите Невесиње и Столац паѓал и град со големина на тупаница.

Метеоролозите претходно издадоа највисоко, трето ниво на предупредување за делови од Балканот поради опасност од силно невреме со обилни врнежи, силен ветер и грмотевици.

ФОТО+ВИДЕО | Бесно невреме удри врз Скопје — орканскиот ветер корнеше покриви, кутна стотици дрвја