Невремето кое вчера го зафати Скопје направи голема материјална штета. Досега, според пријавите од граѓани оштетени се 117 возила, 35 покриви, паднати се 189 дрва, 7 семафори, пријавени се 5 пожари и 15 повредени лица.

Дополнително, оштетени се повеќе објекти од витално значење, меѓу кои објектите на Основното јавно обвинителство, комплексот „Вила Водно“, Аеродромската полициска база Петровец, објектот „Нова Македонија“, како и објектите на Министерството за финансии, Министерството за земјоделство и Јавното обвинителство.

Невремето остави последици и во повеќе градови низ државата.

Во Куманово пријавени се 9 оштетени возила и 3 оштетени кровови, а во Тетово евидентирани се 5 настани, од кои 3 оштетувања на патнички моторни возила и 2 оштетувања на кровови, додека на подрачјето на Гостивар нема пријавени оштетувања ниту повредени лица.

ФОТО+ВИДЕО | Бесно невреме удри врз Скопје — орканскиот ветер корнеше покриви, кутна стотици дрвја

Во Велес има две оштетувања на патнички моторни возила предизвикани од паднати дрвја, додека во Струмица паднати се електрични столбови во селата Доброшинци и Градошорци, како и прекин на снабдувањето со електрична енергија во селото Свидовица. Во Штип регистрирани се 14 оштетувања на патнички возила и 6 оштетувања на кровни конструкции.

Поради протекување на кровот на Меѓународниот аеродром во Скопје, имаше прекин на работењето на излезот од државата во траење од околу час и половина. Штети имаше и во Транзитниот центар Табановце на дел од привремените објекти за сместување на мигранти, шатори и помошни објекти, како и паднати дрвја без предизвикана материјална штета.

Две жени во неволја и момент на човечка топлина — невремето во Скопје изнедри барем една убава приказна