Траект се судри со товарен брод утрово во заливот Суда на грчкиот остров Крит, објави Прототема. Моментот од судирот е снимен и многу брзо се прошири на интернет.

Според првичните информации, траектот „Елирос“, кој испловувал од пристаништето и е во сопственост на компанијата „Анек Лајнс“, се судрил со товарниот брод „Иосиф К“, кој во тој момент влегувал во заливот.

Судирот се случил нешто по 10 часот по локално време. Во инцидентот нема повредени лица, ниту е забележано загадување на морето.

По несреќата, двата брода се вратени во пристаништето и им е забрането да испловат сè додека надлежните служби не ги завршат инспекциските проверки и не издадат потврди за нивната пловидбена исправност.

Причините за судирот засега не се познати, а надлежните органи спроведуваат истрага за околностите под кои дошло до инцидентот.

Трагичен епилог на големата потрага во Сава — хрватските служби најдоа три тела