Леброн Џејмс и официјално ја донесе најчеканата одлука во НБА ова лето. Четирикратниот шампион потпиша двогодишен договор со Филаделфија 76ерс, со што ќе ја започне својата рекордна 24. сезона во најсилната кошаркарска лига во светот.

Според „ESPN“, договорот е вреден осум милиони долари и содржи играчка опција за втората година, што му овозможува на Џејмс повторно да стане слободен агент следното лето доколку така одлучи.

BREAKING: LeBron James is signing with the Philadelphia 76ers on a two-year, $8 million deal with a player option, Klutch Sports Group and Klutch CEO and Game Over show host Rich Paul tells ESPN. pic.twitter.com/ALOlTkgdAV

— Shams Charania (@ShamsCharania) July 24, 2026

Легендарниот кошаркар самиот ја потврди одлуката преку социјалната мрежа „X“, и откри дека сериозно размислувал да ја заврши кариерата по крајот на минатата сезона.

I thought I was done when the season ended. I wasn’t ready to announce it, and I knew I needed some time to really decide, but I was pretty sure I played my last game. I was honest at that last press conference when I said I needed to look at myself and deicide if I still love

— LeBron James (@KingJames) July 24, 2026

„Мислев дека завршив кога заврши сезоната. Не бев подготвен веднаш да го кажам тоа, но ми требаше време да донесам одлука. Си го поставив прашањето дали сè уште ја сакам кошарката. Одговорот е – да. Сè уште сакам да се жртвувам, да работам напорно, да се натпреварувам, да победувам и повторно да го почувствувам чувството на освојување шампионска титула“, напиша Џејмс.

Тој истакна дека финансискиот аспект воопшто не бил пресуден.

„Не играм за пари. Не играм поради семејството. Во оваа фаза од кариерата се прашувам за што навистина играм. Сè уште имам желба да се борам, да работам и да освојувам титули“, порача Леброн.

Џејмс верува дека може да му помогне на новиот клуб да стане шампион.

„Верувам дека можам да ѝ помогнам на Филаделфија да стане шампионски тим и едвај чекам да започнам едно ново, последно поглавје во мојата кариера.“

out. This is my last decision. I’m not going for money. I’m not going for family. What am I really playing for at this point?

I still want to sacrifice. I still want to work. I still want to grind. I still want to compete, to win and to have a chance at the feeling of winning

— LeBron James (@KingJames) July 24, 2026

Со овој трансфер завршува неговата осумгодишна етапа во Лос Анџелес Лејкерс, каде што во 2020 година ја освои својата четврта шампионска титула.

Во Филаделфија, Леброн ќе формира моќен тим заедно со Џоел Ембид, Тајрис Макси и Џејлен Браун, кој пристигна ова лето во еден од најголемите трансфери во НБА. Амбициите на 76ерс се јасни – напад на првата шампионска титула од 1983 година и прво финале на Источната конференција по повеќе од две децении.

Иако потпиша за релативно скромна сума според стандардите на НБА, Леброн јасно порача дека во завршницата од кариерата единствената цел му е уште една шампионска титула.

Серхио Љул ќе игра уште една сезона за Реал Мадрид