Фенербахче го руши клупскиот рекорд за ѕвездата на Милан?
Турскиот гигант Фенербахче е пред нов спектакуларен трансфер и е подготвен да понуди дури 50 милиони евра за крилниот напаѓач на Милан, Рафаел Леао, пренесува италијанскиот весник „La Gazzetta dello Sport“.
Препорачано
Клубот од Истанбул му нуди на португалскиот репрезентативец петгодишен договор со нето плата од осум милиони евра по сезона. Покрај фиксната заработка, во понудата се вклучени и три бонуси: 1,5 милиони евра доколку одигра повеќе од 20 натпревари, уште 1,5 милиони евра ако постигне најмалку 15 голови и дополнителни милион евра доколку Фенербахче ја освои титулата во турската Суперлига.
🚨 𝗝𝗨𝗦𝗧 𝗜𝗡: Fenerbahçe are very interested in Rafael Leao and are looking forward to negotiating a permanent deal.
Their minds are set on offering €40m, which could end up being €50m with add-ons included.
— @Gazzetta_it pic.twitter.com/L1lyN7dhxV
— The Touchline | 𝐓 (@TouchlineX) July 24, 2026
Новото раководство на Фенербахче, предводено од претседателот Азиз Јилдирим, сака значително да го засили тимот за конечно да ја прекине доминацијата на Галатасарај. Фенербахче четири сезони по ред завршува како второпласиран, а последната шампионска титула ја освои во 2014 година.
Со евентуална реализација на трансферот, Леао ќе стане најскапиот играч во историјата на клубот. Само пред неколку недели Фенербахче го собори сопствениот рекорд со ангажманот на Мејсон Гринвуд од Олимпик Марсеј за 39 милиони евра. Во меѓувреме, пристигнаа и Ведат Муриќи од Мајорка за 15,5 милиони евра, како и Нејтан Аке од Манчестер Сити за осум милиони евра.
Доколку Милан одлучи да го продаде Леао, клубот ќе се обиде да го искористи добиениот буџет за ангажман на Константинос Карецас од Генк. Сепак, грчкиот репрезентативец наводно веќе е пред вратите на Борусија Дортмунд, а Милан сè уште нема испратено официјална понуда.
Леао потврди дека разговарал со Милан за својата иднина
Во меѓувреме, самиот Рафаел Леао призна дека разговарал со клупското раководство околу можноста да го напушти „Сан Сиро“ ова лето.
„Веќе разговарав со клубот за можноста да пробам ново искуство. Не знам што ќе се случи. На 29 јули треба да се приклучам на подготовките во Миланело и додека сум играч на Милан, секогаш ќе давам максимум и ќе го почитувам дресот на клубот кој ми даде сè“, изјави Леао во подкастот „Podpah“, а неговите зборови ги пренесе „La Gazzetta dello Sport“.
Rafael Leão no PodPah sobre deixar o Milan: “É um clube que me deu tanto, que me acolheu e me deu tudo. A gente ambiciona… ambiciona coisas novas. Ainda estou sob contrato com o Milan, e enquanto estiver vestindo a camisa do clube, darei meu máximo”.
IHHH já mudou o discurso… pic.twitter.com/95iCLy1b5f
— MILAN DEPRÊ (@milandepree) July 24, 2026
Португалецот истакна дека има голема благодарност кон Милан, но не ја крие желбата за нов предизвик.
„Милан многу ми помогна во различни аспекти од животот, но секој човек има свои амбиции. Ќе ги разгледам сите опции, но засега сè уште сум играч на Милан“, додаде тој.
Леао има договор со Милан до летото 2028 година. Во клубот пристигна во 2019 година од Лил и досега одигра 291 натпревар, постигна 80 голови и запиша 55 асистенции. Минатата сезона забележа 10 голови и три асистенции на 31 настап во сите натпреварувања.
Неизвесноста околу неговата иднина дополнително се зголеми по разочарувачката сезона на Милан, кој остана без место во Лигата на шампионите, а според медиумските шпекулации, покрај Фенербахче, интерес за Португалецот покажуваат и Галатасарај и Тотенхем.
