ФОТО | Фотошоп или не? Ријана во реклама за долна облека, фотографиите поттикнаа сомнежи за дигитална обработка
Пејачката и претприемачка Ријана ја претстави најновата колекција долна облека „Луксузна чипка“ (Luxe Lace) од нејзиниот бренд „Севиџ Икс Фенти“ (Savage X Fenty), а фотографиите од кампањата за кратко време станаа една од најкоментираните теми на социјалните мрежи.
Препорачано
Ѕвездата, која минатата година го доби своето трето дете, објави серија фотографии на кои позира во новите модели од колекцијата, а бројни обожаватели го пофалија нејзиниот изглед и самодовербата по бременоста.
View this post on Instagram
Новата линија вклучува повеќе модели изработени од чипка, меѓу кои градници со полукружен крој, танга-гаќички, жартиери и ноќници. Колекцијата е достапна во неколку бои, меѓу кои нежно розова и класична црна.
Од брендот велат дека при изработката е употребена еластична ткаенина која лесно се приспособува на различни типови тело, а посебно внимание било посветено на удобноста. Чипката е дизајнирана да биде мека на кожата и да не предизвикува непријатност или иритации при носење.
Колекцијата е достапна преку официјалната интернет-страница на брендот, каде што новите членови можат да добијат попусти на одбрани производи.
View this post on Instagram
Фотографиите од кампањата предизвикаа бројни реакции. Голем дел од следбениците ја пофалија Ријана за нејзината самодоверба по третото породување и за тоа што во кампањата изгледа природно.
Сепак, не изостанаа ниту критиките. Дел од корисниците на социјалните мрежи изразија сомнеж дека фотографиите се значително дигитално обработени, со што повторно се отвори дебатата за ретуширањето на рекламните кампањи на светските ѕвезди.
Без разлика на различните мислења, новата кампања на Ријана привлече огромно внимание, а освен за колекцијата, јавноста активно дискутира и за нејзиниот стил, како и за начинот на кој познатите личности го претставуваат своето тело по бременоста.
ВИДЕО | Ријана се врати на сцената по години пауза: „Малку сум ‘зарѓана’, но повторно сум тука“
