КУЛТУРЕН ПЕЧАТ број 341, во печатеното издание на весникот „Слободен печат“ (25-26.7.2026), во својот стандарден формат на осум страници меѓу содржините од областа на уметноста и културните настани има:

– интервју со Влатко Георгиев, композитор, продуцент, едукатор: Секојпат гледам да има доволно простор за експериментирање

– разговор со театарската режисерка Теодора Силјаноска од независниот театар „Вортекс“: Највредното што можеме да си го подариме едни на други е човечноста

– изложбата „Архив на тага: Скопје 1963“ е културна меморија на Скопје составена од тажачки песни

– проектот „Скопје 63/63“ открива простор во кој минатото и сегашноста постојано се преплетуваат

– во Музејот на град Скопје на 26 јули ќе биде отворена изложбата „63 Години – Скопје 63“ на авторката Зоја Богдановска, кустос советник и историчар

– праизведбата на драмскиот текст „Вонземјани“ од Игор Кузмановски во режија на Васил Михаил ќе се одржи на малата сцена во Македонскиот народен театар

– концертот на „Крафтверк“ во Скопје е ретка можност да се биде дел од музичката историја

– Националната галерија на Македонија го најави отворањето на изложбата „Од канон до индивидуален израз: Зографството и профаното сликарство во Македонија (19–20 век)“

– во НУ Центар за култура „Браќа Миладиновци“ – Струга од 24 јули до 5 август е поставена постхумна изложба со циклусот „Езерски брегови“, посветена на академскиот сликар Таки М. Павловски

– деновиве излезе од печат „Monologue of the Soul“, најновата стихозбирка на проф. д-р Александар Сандевски

– издавачката куќа „Или-или“, како јубилејно 250-то издание во едицијата „ПРОаЗА“, го објави романот „Коулун, заградениот град“ од Јана Узунова

– романот „Експозиција на темнината“ од Марко Грегур излезе во превод на Сашо Огненовски и во издание на „Перун Артис“ од Битола.