Екипата на Вардар зад себе има солидна сезона, а доказ за тоа е статистиката објавена на специјализираниот сајт за ракомет „Дата Хендбол“.

Според објавените податоци, македонскиот шампион е единствениот ракометен клуб во Европа кој во текот на минатата сезона забележал максимален ефект на домашен терен. „Црвено-црните“ одиграа 22 официјални натпревари пред својата публика и на сите 22 триумфираа.

Вакво достигнување не успеал да оствари ниту еден друг европски клуб. Дански Алборг е најблиску до Вардар со најголем број домашни победи, но има и еден пораз. Германски Магдебург и шведски Кристијанштад претрпеа по два неуспеси, додека Барселона и Веспрем сезонава запишаа по три порази на свој терен.

Во анализата се опфатени само клубови кои во текот на минатата сезона одиграле најмалку 20 официјални домашни натпревари, при што се земени предвид и настапите во националните шампионати и европските клупски натпреварувања.

 

View this post on Instagram

 

A post shared by datahandball (@datahandball)