Голем скандал го одбележа натпреварот од општинското првенство во женски футсал во бразилскиот град Еузебио, по кој една фудбалерка доби висока казна и ќе биде надвор од терените во следните пет години.

Инцидентот се случил на дуелот меѓу РДЈ Спорт и РСН, одигран на 22 јули, кога по еден жесток дуел на паркетот избувнала физичка пресметка.

Фудбалерка РСН, која настапувала со бројот 10, најпрво ја оттурна и собори својата противничка, а потоа, додека таа лежеше на земја, ја удираше со нога во главата. При обидот да ја смири ситуацијата, уште една играчка беше ападната и доби удар во лицето.

Jogadora agride adversárias com chutes e socos campeonato de futsal feminino no Ceará.

A violência ocorreu na quarta (22), no duelo entre o RDJ Sport e RSN (As Resenhas), em ginásio poliesportivo na cidade da região metropolitana de Fortaleza.

A agressão ocorreu no segundo… pic.twitter.com/dGKIl7kACA

— LIBERTA DEPRE (@liberta___depre) July 25, 2026

Тензиите дополнително ескалирале кога во инцидентот се вклучиле и членовите на стручните штабови на двата тима, кои успеале да ја сопрат агресивната фудбалерка. Поради случувањата, натпреварот бил прекинат, а службено бил регистриран со победа од 1:0 за РДЈ Спорт.

По разгледувањето на извештаите од официјалните лица, организаторот на натпреварувањето донел најстрога дисциплинска одлука. Градските власти на Еузебио соопштија дека фудбалерката е суспендирана на пет години и во тој период нема да има право на настап во ниту едно натпреварување што се организира под капата на локалната футсал лига.