Угостителските објекти во Струга ќе работат еден час подолго во летниот период, додека за претстојниот празничен викенд работното време ќе им биде продолжено за два часа. Оваа одлука ја донесе Советот на Општината со цел поддршка на туристичката сезона и локалната економија.

Според новата одлука, за време на викендите и кога има јавни манифестации, кафулињата и рестораните наместо до еден часот, ќе работат до два по полноќ.

За претстојниот празничен продолжен викенд, на 1, 2 и 3 август, работното време ќе биде до три часот по полноќ.

Од Општина Струга информираат дека вакво едночасовно продолжување е предвидено и за неколку специфични датуми до крајот на годината, вклучувајќи и празнични денови во септември, октомври, ноември и декември.

Целта, според локалните власти, е „непречено да се одржуваат културните и туристичките манифестации кои го афирмираат градот, притоа балансирајќи меѓу развојот на туризмот и интересот на граѓаните“.

ФОТО | Туристите се паркираат во шума поради поскапениот паркинг на плажите во Охрид