Основниот суд во црногорскиот град Улцињ ѝ определи 30-дневен притвор на 46-годишната македонска државјанка Сашка Стојановска, осомничена за кривичното дело „убивање и мачење животни и уништување на нивното живеалиште“.

Според црногорската полиција, таа на 24 јули со автомобил „Мерцедес“ намерно прегазила куче од расата шарпланинец, а потоа се обидела да ја напушти државата. Била запрена на граничниот премин Сукобин-Муриќани и приведена.

Од инцидентот се појави вознемирувачка снимка, а Стојановска и нејзината ќерка тврдат дека шарпланинецот претходно го убил нивното куче од расата шицу и ги нападнал Стојановска и нејзиниот малолетен брат, поради што возилото било употребено за да го оттурне животното.

Случајот предизвика многу реакции и поделени мислења околу бруталноста на чинот и оправданоста на реакцијата на жената.

Ќерката на жената која прегази куче во Улцињ тврди: Шарпланинецот го распарчи нашето куче и нè нападна