Од тетовскиот Клинички центар во Секторот за внатрешни работи – Тетово синоќа во 20:30 часот било пријавено дека кај нив со тешки телесни повреди бил донесен 27-годишниот М.З. од овој град.

– Во разговор со полициски службеници, тој изјавил дека околу 19 часот во нивниот двор, неговиот чичко С.З., на возраст од 61 година од Тетово, ненамерно го прегазил на ногата со патничко возило, што го управувал наназад, при што се здобил со повредите. М.З. побарал да не се поднесува пријава затоа што било несреќен случај, соопштија денеска од Министерството за внатрешни работи.

Оттаму додадоа дека полициски службеници излегле на местото на инцидентот.